|
|
|
Malper di ber nêrînên Nivîskaran de ne berpirsiyare
|
|
|
|
De rabe
Ronî Elî
De rabe
An siwar be, An peya be
Bigre, An berde
Bikuje, An biderde
Di koşkî giyanê dilê telîz de
Daniştî nemîne
Di govdeyê jar û zebûn de
Bihostan nepîve
Û Xençeran daneçikîne
Di birûska çavîn melûl de
Bazara kujtinê nede û nestîne
De rabe
***
De rabe
An siwar be, An peya be
Dem.n girgîn, şevên avis
Di kovana pişta bê bav de
Har neke
Sirûda guristana xwen.n Buharê
Pif neke
Û di sirtê mila xûz de
Ne qêrîne
Nelîlîne
Û nebişkifîne
De rabe
***
De rabe
An siwar be, An peya be
Di derlnig û zendik.n şevê de
Hêlan neke
Karwanê Kujtiyên dil ketinê
Di navbera mij û mijgulan de
Siwar neke
Di quncik û pêsîra xewê de
Netevize
Nekeve
Û keserên serê sibehê nerefîne
de rabe
***
De rabe
An siwar be, An peya be
Bi rêber û lehengên rêxistinên Avê re
Peskê di parçeyên mejiyê nîv parçe de
Ne avêj û çeneke
Bi Siltan û dema bê dem re
Mêzîna pîvana piska xwe
Ji mofirkên stûyê bê mofirk
Li ser sîngê piriştî
Hew deyne û veke
De rabe
An siwar be, An peya be
|
|
|