|
|
|
|
|
Malper di ber nêrînên Nivîskaran de ne berpirsiyare
|
|
|
|
Rexneyek Giştî
Şûrazad
Gotinek kurda heye dibêje: ger ga ket, kêr pirdibin.. ev nimûneya (penda)
birengekî giştî liser partiya PKK ê siwardibe.. ji ber ku nebese heyşde dewletên
(kîşwarên) hêzdar, bi salûxgêrên xwe ve, li dujî va partiyî xebitîn û rabûn , ta ku
gihîştin qonaxa ku kanîbûn dest bavêjtana seroketiya wê û bigirin..û bidin dest
tirkan.. hîn xwendevanên me jî birengekî gelemper û bi awakî din tevî wa xebatê dibin.
Ji xwendina hemû gotarên ku liser PKK, û rewşa wê, îroj tê nivîsandin tê xuyakirin,
ku kurd êş û dijminatî û kujtiyên xwe li hember hemû kesên cîhanê jibîrdike.. lê
dujatiya xwe ya siyasî li heberî hev qet tu carî ji bîrnakin.
Tiştê ku tê zanîn her partiyekî şaşbûn û rastiyên wî hene.. an biwateyeke
din (erînî û neyîniyên xwe hene) ango demê merovek bixebitê.. helbet wê di gelek ciyan de
têkeve çewtiyan.. û di demê de jî tê rexnekirin.
Em dizanin ku PKK weke partiyên din kete gelek çewtiyan, lê em nikarin qencî û serkevtinên
wê di gelek cihan de jibîrbikin wek (yekbûna kurdistanê) liser rê nemûnê nehejmartinê..
kîjan demê û kîjan partiyî kanîbû sîhezar merov, mêr û jin, kal û pîr û zaro li bajarê
(şarî) hewlêrê an silêmaniyê an ormiyê an senê (senendacê) û li ewripê rakirina
serpêya û daxistana pêvajok û meşana..û ew canî fedakar di gelê kurd de biçanda û
şînbaniya.
Îrojî çima ketine tengiyê-(wek dibêjin: ji her hespekî re vekulimandinek heye), vir û wêve
rewşenbîrên kurd kînên xwe pêre saxdikin, û rexneyên xweyî tûj bi tunekirina wa
partiyî ku bi xwîna xortên me avabûyî didin nîşan.
Û ewana dikin sedemê her tiştekî xerap li kurdistanê (şerê birakujî û xwîn,
kujtin û lêdan..) û dijminê ku têde bilingokê (fotbolê) dilîze jibîrdikin.. û merovên me
didin kujtinê.. û welatê me didin talanê.. ewana jibîrkirin hevgirtina serokên seretrayî
(teqlîdî) yên li başûr kurdistanê li gel serokên tirkan bi dirêjiya demê dehsalên
şerê birayên wan li bakor dibin ala PKK ê de.. liser pişta birayên xwe bikabê
dilîstin.. û sîngê xwe bi tunekirina wan dikutan..!!
Min jî gelek rexneyên xwe, di demê de kirin, lê birengekî din.. dûrî kîn û kudretê.. mîna
rexneyên ku bira ji bira bike.. ku kanibin bi rê wan rexneyan ji tengiya xwe biderkevin
û li ser lingên xwe rawestin û careke din kanibin deriyên spêr û dezên dijminê xwe yî
dîrokî bikutin..!!
Biwêj û çêrokvan:
Şûrazad - Ji efrîna xemgîn
Min rexneya xwe bi va helbestê kir
Bibore
Mele Şivano
Kurdistan rizgarbû û pêşmerge vegerîn mal û gel bi gulên sor berve pêşmerga diçûn
û wiha digotin:
(( Bijî Pêşmerge ))
Bibore mele Şivano
Dengê te xweş tê guhano
Nemaze pesna pêşmerga
Pêşmerge yên liser çiyano
Bêkar mane li meydano
Dikin şerê wan birano
* * *
Bêzar mane liser Çiyan
Hêvî çûye li Emrîkan
Nerîn çûye li Ewripan
Pêşmerge qet natên malan
Ji dest siyaseta erzan
Ferman maye li rûpelan
* * *
Rizgarî hîn gelek dûre
Lê serbestî malbarkire
Wa şerê meyî demdirêj
Zû , zû hat birîn bi vekêş
Bangdikin dibên aşîtî
Kes nabîs, dengê merovtî
* * *
Li Felestîn serhildane
Xwîn diherik, bê westane
Li Kurdistanê hedane
Em bê maf man li cîhane
Li Ewripê tên firotane
Weke pez libazarnane
* * *
ji dîwana ku hîn belavnebûyî bi navê
(her çî birûsî ne zêre)
E:mail a min:shorazzad@mail.sy
seafaldin@aawsat.com
|
|
|